Hessisch für Fortgeschrittene

[streetmonster]

Computer-Anleitung auf hessisch:

Kombjuder-Eischald-Zeddel Fer Auswerddische bei de Bonndaada

Kabiddel 1: Saft druff:

Am Kasde unnerm Scherm de reschde Knobb neidrigge bisser eirast. Ufbasse: Es huubt. Huubts net: Gibts net, noch net bassiert. (Knobb muss !!! drinbleiwe) Des Bernsche - wo links newer dem Knobb wo mer neidrigge muss leit -iss die Bern wo brenne muss, damit mer waas, dass des Ding Saft hot. (Wenn die Bern net brennt, hot des Ding kaan Saft.) Dann: Net lang maule, erst gugge ob die - die hinne aus dem Ding wo der Knobb draa iss, den mer neidrigge muss - in dere Dohs drinsteggt, die mit dem Iwwerlandwerg zusammehengt. Iss die Schnur draa, dann aaner rufe, der die Bern zum brenne bringt.

Kabiddel 2: Umschald-Knobb drigge:

Der Knobb - der wo uff dem annern Ding, wo all die annern Knebb aach druff sinn - der wo zwaa Pfeilscher owwe druff hot unn wo die grie Bern unnedrunner iss, runnerdrigge. (Nur aamohl!) Brennt die grien Bern, isses gut! Brennt se net, aach.

Kabiddel 3: Aamelde:

Eigewwe von dene Knebb - die wo uff dem annern Ding druff sinn, do wo aach der Knobb mit denen zwaa Pfeilscher unn dere grie Bern druff iss - die Knebb drigge, die mer drigge muss, wemmer sisch aamelde will. Des haasd: Mer muss die Knebb drigge, wie mer haasd. Driggt mer die falsche Knebb, haasd mer net so. Des haasd: Mer muss unbedingt die rischdische Knebb drigge.

Kabiddel 4: Aagemeld:

Wemmer drinn sinn, SCHAFFE!!!

Kabiddel 5: Abschalde:

Uff de Scherm gugge, awwer konsegwent unn waade bisses gracht odder die Uhr schdehd. Dann: Zusammepagge unn nix wie haam.

[Klawer]

:-? :-? :-? :-? :-? :-?

Komische Sprache

-----------------

Gruß Klawe

Cabrio fahrn iss einfach SUPER !

 

[TineTippel]

Hessisch für Einsteiger ;-)

 

Alle Hesse sin Verbrescher, denn sie klaue Aschebescher!!!!

So lautet zumindest eins von de meist verbreitetste Vorurteile, mit dene mir es jeden Daach zu tue habbe. Mir Hesse habbe es aber aach net leicht. Kaan Zugang zum Meer, zu de Alpe un aach net zum Ausland. Sowas prägt, wie de Matthias Beltz früher schon ganz rischdisch gesagt habbe tut. Die Hesse sin die Serbe von Deutschland.

Wenn es aber tatsächlisch en Ort gebbe sollt, der so ähnlich iss, wie des klaane, uns wohlbekannte, gallische Dorf, dann muß des in Hesse seie!

Die Hesse sin nämlisch trotz allem e friedlich Völksche, alsemal e bisje motzig un knurrig, aber im Große un Ganze sin des ganz goldische Kerlscher un Mädscher. Die habbe so ihr Eigenarte un e paar Sitte un Gebräusch, die wo die, die wo net von da sin, net immer so verstehe tue, aber des macht nix. Vielleicht könne mer Eusch ja jetzt des ganze Gedöns mit dene Hesse e bisje näher bringe. Un weil die Hesse so komisch babbele, kann mer des aach noch gleich mitlerne.

Aa aanzisches Problem tuts dadebei gebbe: Hessisch gibbts eigentlich gar net. In Hesse werde wahrscheinlich e paarhunnert verschiedene Dialekte gesproche. Kaans is wie es annern. Des wo mer jetzt hier lerne kann iss dann aach eher so e Allerwelthessisch. Des hat schon de Babba Hesselbach gebabelt, de Henni un de Gerd von Badesalz un selbst unsern Goethe. So verkehrt kanns also gar net seie.

Viel Spass un Erfolch!

 

Was en Rotz!, denk sisch so manchaaner, der wo zum erstemal versuche tut hessisch zu babbele. Manche Eigeplackte tun sisch aber aach schwer dademit, dadebei kann des jeder lerne. Da könne se aaner druff lasse! Die Schnuud e bisje hänge lasse un dann schee locker aus em Unnerkiefer: "E Schnibbelsche haaß Flaaschworscht un e Bembelsche gege de Dorscht!" Hessisch babbele iss gar net so schwer. E paar Regele tuts gebbe, wenn mer sisch da dran halde tut, dann kann so guud wie gar nix mehr passiere.

 

Dobbelt gemobbelt hält besser - Das Konsonantendoppel als Schlüssel zum Erfolg

Beim babbele mache mir ja net nur gern emal aus em "p" e "b" un aus em "t" e "d", naa-mir leege dann aach noch gleich aaner mit druff. Babba, Babbedeckel, Dozzbällsche, Ebbelkrebbel, Labbeduddel, ruffzuus un runnerzuus.

 

"ch" könne mer net - Buchstabenkombinationen, die wir gerne unseren Schweizer Freunden überlassen

So e bisje Probleme habbe mir ja mit dem "c" un dem "h", wenn die gewissermasse als Einheit ufftauche. Da könne mir net viel mit aafange un desdewege wird da aach meistens e "sch" draus: Aschebescher, Messerstescher, Schnarschnaas, Sprüchklobber, Zuckerschnecksche, Stöffsche schlabbern

Es "e" werd im allgemeine im Hessische genauso gebabbelt wie uff Deutsch, es sei denn, es steht alaans in de Gegend rum. Dann wirds nur mal kurz dursch de Rache gestöhnt un dann is Ruh: Es is e Schand. oder: E Schnäppsche mache.

Es "ei" brauche mir, wenn des dann midde in aanem Wort steht, nur manschmal. Ganz oft werd des nämlisch zum "dobbel-a" wie in Holzbaa, Flaaschworscht oder klaa Knoddel. Ganz annerster iss des mit dem "Ei" am Aafang vom Satz. Da könne mir des eigentlisch fast immer gebrauche.

Es "g" nach em "dobbel-a" wird zwar alsemal noch als "g" geschribbe, klingt aber spätestens beim babbele eigentlisch mehr nach e Mischung aus em "g" un em geröschelt "ch" nach em zwölfer Bembesche, wobei mir des widderum ja eigentlisch gar net könne. Trotzdem: Saachesemal, Fraach misch net oder Aachedeckel.

Es "n" am End vom Wort, des verschlucke mir aach alsemal: flutsche, flatsche, badsche. So wie mir übberhaupt emal gern de letzte Buchstabe weg lasse. So wischdisch kann der net seie, sonst tät der net am End stehe! Worschtsupp, Wutzeböhnsche, Wasser lasse.

 

"pf" brauche mir net - Buchstabenkombinationen, die nun wirklich niemand braucht

Es "pf" habbe mir so guud wie abgeschafft. Des wird entweder ganz ohne "f" gebabbelt, wie beim Pannekuche oder em Pund Derrfleisch oder mir mache aus dem ganze Gebambel gleich e "dobbel-b". Ebbelwoi, dorschschlubbe, Hinnedruffhübber.

 

De Dativ iss dem Genitiv sein Tod - Des Genitivs Ende

Wenn se jetzt net ganz wisse, was en Genitiv iss, dann sin se da genau rischdisch. Mir wisse des nämlisch aach net so genau un desdewege habbe mir den abgeschafft. Also, so e Gefuddel wie "fischers Fritze" werde se bei uns net finde. Des haaßt dann "De Fischers ihrn Fritz" oder, wenn se mit de Fischers selber babbele täte "Ihne ihrn Fritz".

 

Mer tut was mer kann - Aktive Sprachgestaltung

De Hesse tut sei gesamtgesellschaftliche Aktivitäte aach gern in de Sprach zum Ausdruck bringe un wie sollt des besser gehe als wie mit "tut". So mache mir schonemal gern aus em anunfürsisch passive Vorgang en aktive. Mir saache net "Isch habe Koppweh" sondern "Mir tut de Schädel brumme". Des gestehe mir nadürlisch aach annern zu, wie des Beispiel "Der tut aagebbe wie e Duttvoll doode Mücke" anschaulisch mache tut. Also immer schee uff des "tut" achte! "Isch tu die Rundschau lese." "Der tut beim Opel schaffe." oder "Mir tue so als wie wenn mir nix verstehe täte." Bei dem sisch hinner dem "tut" tummelnde Verb iss es dann wischdisch de Infinitif zu nemme! Sonst iss des Geknorz, des wo kaaner mehr verstehe tut. Wenn isch also saach, "De Gallier tut sisch mit de Römer bummbe", muß des "bummbe" in de Grundform stehe, sonst isses net rischdisch.

Wenn mer des geschnallt habbe, dann brauche mir um für die Vergangeheit zu bilde nur noch e "ge" vornedran, e locker "habbe" hinnedran un am Verb wird e "t" drangefuddelt, dademit des passe tut. "gestern tu isch en leckere Handkäs gehabbt habbe." "De Hebberd tut aussehe als wie wenn der en Bus geknutscht habbe tät."

 

De Könner

tut net fuddele, net knorze un net huddele! Beim zusammeknoddele von einzelne Wörter mache mir anunfürsisch so gar kaa groß Gedöns. Babbele wie einem de Schnabel gewachse iss, haaßt des Motto un wer des lerne will, der sollt sisch aafach an die paa Regele halde, dann wird des was.

 

:-D LG Tine

 

-----------------

:lol: TEIN Tippel :lol:

Proud Member of "Die Brut" :-D

"Wir sind uns für nichts zu blöd!"

[ Diese Nachricht wurde editiert von TineTippel am 16.05.2003 um 20:42 Uhr ]

[LGross]

Glaawe, des is kaa spraach net, des is e halsgrangheed.

 

Isch derf des saache, wei isch bin zwaar ee Fischgopp, abbä bei Frangford uffgewachse. So ee hessisch schredd hier inne Forum, des is ja aach mal was guudes, des erinnert misch ee bissie an de alde Heemad.

 

Wenn isch damols in de moin inne Schuul gange bin, had man sisch immer gans nedd begrießt: "Ei Guude wie, wo machste hin?" - "Ei inne Schuul, du Depp!" - "Bleedsinn, des sin doch Pferz mid Krigge" .... Unn da war widder nix geweese mit Schuul, mar ham dann hald eee bissie Bleedsinn gemäscht.

 

Des waarn hald die Zeide, wo mer uff die Rodgau Monotone Gonserde gange sin, Eppler gedrunge ham (na, eeer gesoffe..) unn hinner de Meedscher herwarn wie de Deibel hinner die libbe Seel....lang is heer.

 

Fier hessisch Oofänger gibbs a guude Seide, dee misst er maal hiiseerfe

 

Abber eerlisch, isch bin gans froh widder bei die Fischkepp zu sei... abbä drodzdeem Grieße nach Hesse von daa ganz obbe, von Hambosch!

 

Leif

[ Diese Nachricht wurde editiert von LGross am 16.05.2003 um 21:05 Uhr ]

[LGross]

BTW: Kenn das noch jemand?

 

"Eeeh, was machsde mid meim Pladdespielä?"

 

"Gabudd!"